Azərbaycanda işləmiş məşqçi “Redinq”in baş məşqçi təyin edildi

Çempionşipi tərk edən “Redinq”ə yeni baş məşqçi təyin olunub.

Futbolxeber.az saytının məlumatına görə, bu vəzifəyə ispaniyalı Ruben Selles gətirilib. 40 yaşlı mütəxəssis vəzifəsinin icrasına işçi vizası aldıqdan sonra başlayacaq. Selleslə müqavilənin detalları barədə hələlik məlumat verilmir.

Qeyd edək ki, Selles ötən mövsümün son 3 ayında İngiltərə Premyer Liqa təmsilçisi “Sauthempton”da baş məşqçi olub. Bu komanda yekunda APL-i tərk edib.

Xatırladaq ki, Selles 2012-14-cü illərdə “Neftçi”, 2015-17-ci illərdə isə “Qarabağ”da köməkçi-məşqçi kimi çalışıb.

Futbolxeber.az-ın teleqram kanalına abunə olun