Mbappe “Real”da mövsümə 60 milyon avro qazana bilər

“Real”a transfer olunacağı gözlənilən Kilian Mbappenin yeni iş yerindəki qazancı məlum olub.

Futbolxeber.az saytının “El Debate”yə istinadən verdiyi məlumata görə, keçid baş tutacağı təqdirdə fransız forvardın yeni iş yerindəki qazancı 60 milyon avro təşkil edəcək. Bu məbləğə futbolçunun reklam müqavilələrindən əldə edəcəyi gəlir daxil deyil.

Xatırladaq ki, Avropa mətbuatı qarşıdakı 2 həftə ərzində Mbappenin “Real”a keçidinin reallaşacağını yazır. Bildirilir ki, futbolçunun anası Fayza Lamari “Real”la gizlin danışıqlar aparıb.

Dünən isə “PSG Community” nəşri “Real”ın Mbappe üçün Paris klubuna 250 milyon avro ödəyəcəyi barədə məlumat yayıb.

Xatırladaq ki, PSJ Fransa millisinin hücumçusunu 2018-ci ildə “Monako”dan 180 milyon avroya transfer edib. Mbappenin hazırkı klubu ilə müqaviləsi gələn yay başa çatır.

Futbolxeber.az-ın teleqram kanalına abunə olun