Hakimi PSJ-ni “Mançester Siti”yə dəyişir?

PSJ-nin müdafiəçisi Əşrəf Hakiminin meneceri Alexandro Kamano müştərisinin “Mançester Siti”yə keçəcəyi barədə yayılan xəbərləri şərh edib.

Futbolxeber.az saytının xarici KİV-ə istinadən verdiyi məlumata görə, o, mərakeşli futbolçunun klubunu dəyişmək fikrində olmadığını bildirib:   

“PSJ layihəsi Əşrəfə tam uyğundu. Bu səbəbdən də o, mühiti dəyişmək fikrində deyil. Mənim klubun idman məsləhətçisi Luiş Kampuşa böyük hörmətim var. O, gələcəklə bağlı bizdə əminlik yaradır”.

Xatırladaq ki, dünən Əşrəf Hakiminin PSJ-ni “Mançester Siti”yə dəyişəcəyi barədə xəbərlər yayılıb. Bildirilib ki, Mançester təmsilçisi Hakimiyə “Bavariya”yə keçəcəyi gözlənilən Kayl Uokerin əvəzləyicisi gözü ilə baxır.

Xatırladaq ki, Hakimi PSJ-də 2021-ci ildən çıxış edir. O, son mövsüm 5 qol, 6 məhsuldar ötürmə ilə yadda qalıb.

Futbolxeber.az-ın teleqram kanalına abunə olun