“Milan” Milinkoviç-Saviçi transfer edir

“Latsio” yarımmüdafiəçisi Sergey Milinkoviç-Saviçlə vidalaşmaq üzrədi.

Futbolxeber.az saytının İtaliya mətbuatına istinadən verdiyi məlumata görə, “Milan” serb futbolçunu transfer etməyə yaxındı. “Qırmızı-qaralar” Milinkoviç-Saviçə “Nyukasl”a satılan Sandro Tonalinin əvəzləyicisi gözü ilə baxır.

“Latsio” bu keçiddən minimum 35 milyon avro əldə etməyi planlaşdırır. Daha əvvəl “Yuventus”, “Liverpul” və “Arsenal” da 28 yaşlı futbolçuya maraq göstərirdi.

Qeyd edək ki, Milinkoviç-Saviç son mövsüm A seriyasında 36 oyunda 9 qol və 8 məhsuldar ötürmə ilə yadda qalıb.

Futbolxeber.az-ın teleqram kanalına abunə olun