“Mançester Yunayted” onun üçün üçüncü dəfə təklif göndərəcək

“Mançester Yunayted” “Çelsi”nin yarımmüdafiəçisi Meyson Maunt üçün yenidən rəsmi təklif göndərəcək.

Futbolxeber.az saytının xarici KİV-ə istinadən verdiyi məlumata görə, “Qırmızı şeytanlar”ın üçüncü təklifinin məbləği 55 milyon funtdan çox olacaq.

Bildirilir ki, bu, sonuncu təklif olacaq. Əvvəlki 2 təklifdə “yox” cavabı alan “Mançester Yunayted” bu dəfə də istəyinə çatmasa, Mauntun transferindən imtina edəcək.

“Çelsi” daha əvvəl 40 və 50 milyon funtluq təklifləri geri çevirib. London klubu Mauntun satışından 65 milyon funt əldə etmək istəyir.

Futbolçu özü isə “Mançester Yunayted”ə keçməyə razıdı, tərəflər artıq şəxsi müqavilənin bütün detallarını razılaşdırıblar.

Qeyd edək ki, “Çelsi” ilə müqaviləsi gələn yay başa çatacaq Maunt son mövsüm 35 matçda 3 qol, 6 məhsuldar ötürmə ilə yadda qalıb.

Futbolxeber.az-ın teleqram kanalına abunə olun