Ronaldo yeni rekordu barədə: “Bu, mənim üçün inanılmaz nəticədi”

Portuqaliya millisinin hücumçusu Kriştianu Ronaldo yeni rekordu barədə danışıb.

Futbolxeber.az saytının xarici KİV-ə istinadən verdiyi məlumata görə, milli komandanın heyətində 200 oyun həddinə çatan ilk futbolçu kimi tarixə düşən Ronaldo sevincini gizlətməyib:

“Bu, mənim üçün inanılmaz nəticədi. Yubiley matçında qələbə qolunun müəllifi olmaq isə xüsusi bir hissdi. İslandiya tərəfinə təşəkkürümü bildirmək istəyirəm. Azarkeşlərdən bu cür hörmət görmək çox xoşdu. Bəli, biz bu dəfə elə də yaxşı oynamadıq. Rəqib aqressiv çıxış edirdi. Yalnız sona yaxın istəyimizə çatdıq. Düşünürəm ki, qələbəyə layiq idik. Millidə 200-cü oyunumu keçirdiyim üçün çox xoşbəxtəm”.

Qeyd edək ki, bu qələbə sayəsində xallarının sayını 12-ə çatdıran Portuqaliya millisi J qrupunda vahid liderdi.

Futbolxeber.az-ın teleqram kanalına abunə olun