Qvardiola: “Mənim “Barselona”dakı dövrüm bitib, Xavi gedəndə isə onu Buskets əvəzləyəcək”

“Mançester Siti”nin baş məşqçisi Xosep Qvardiola gələcəkdə “Barselona”ya mümkün qayıdışı barədə danışıb.

Futbolxeber.az saytının İspaniya mətbuatına istinadən verdiyi məlumata görə, təcrübəli mütəxəssis Kataloniya klubundakı dövrünün başa çatdığını bildirib:

“Barselona”nın əla baş məşqçisi var. Hansı ki, klubu çox yaxşı tanıyır və son mövsümdə ən vacib titulu - İspaniya çempionluğunu qazandı. Ümid edirəm ki, o, “Barselona”da hələ uzun illər çalışacaq. Xavi bu mərhələnin başa çatdığını qərara alanda isə onu yerinə Buskets gələcək. Yaxud da bir başqası. Bu, fərqli mərhələlərdi. Mənim “Barselona”dakı dövrüm isə bitib”.

Futbolxeber.az-ın teleqram kanalına abunə olun