Mahir Emreli "Konyaspor"la vidalaşdı

"Konyaspor"la icarə müqaviləsi başa çatan millimizin üzvü Mahir Emreli Türkiyə klubu ilə vidalaşıb.

Futbolxeber.az saytının məlumatına görə, 26 yaşlı hücumçu bununla bağlı instaqram səhifəsində paylaşım edib: "Hər şey üçün təşəkkürlər, "Konyaspor".

M.Emrelinin anası Elnura Emreli bu paylaşıma "Yolun açıq olsun, balım".

Mahir Emrelinin müqavilə ilə Xorvatiyanın "Dinamo" (Zaqreb) klubuna məxsusdur. Onun karyerasını harada davam etdirəcəyi yaxın vaxtlarda müəyyənləşəcək. Emrelinin yenidən "Konyaspor"a qayıdacağı da istisna deyil.

Qeyd edək ki, millimizin hücumçusu Superliqanın son turunda "Beşiktaş"la keçirilən oyunda (3:3) komandasının 2-ci qolunu vurub.  Qışda "Konyaspor"a keçən Emreli Türkiyə Superliqasında ümumilikdə 12 oyunda iştirak edib və 2 qol vurub.