Fernandeş: “Vulverhempton”un qapıçısı əla oyun keçirdi”

“Mançester Yunayted”in yarımmüdafiəçisi Brunu Fernandeş İngiltərə Premyer Liqasının 36-cı turunda “Vulverhempton” üzərində qazandıqları 2:0 hesablı qələbəni şərh edib.

Futbolxeber.az saytının məlumatına görə, portuqaliyalı yarımmüdafiəçi bildirib ki, rəqib qapıçının inamlı oyunu daha çox fərqlənmələrinə imkan verməyib:

“Biz öz işimizi gördük. Lazım olan qalib gələrək 3 xalı götürmək idi. Ardıcıl 2 məğlubiyyətdən sonra bu gün bizim üçün qələbə çox önəmli idi. Əslində, daha çox qol vura bilərdik. Lakin “Vulverhempton”un qapıçısı əla oyun keçirdi. Onu tərifləməliyik”. 

Qeyd edək ki, bu qələbədən sonra xallarının sayını 66-ya çatdıran “Mançester Yunayted” turnir cədvəlində dördüncü pillədə qərarlaşıb. “Vulverhempton” isə 40 xalla 13-cüdü.