“İnter” Onana üçün təklif almayıb

“İnter”in baş direktoru Cezeppe Marotta komandanın qapıçısı Andre Onananın “Çelsi”yə keçəcəyi barədə yayılan xəbərləri şərh edib.

Futbolxeber.az saytının məlumatına görə, klub rəsmisi kamerunlu qapıçı üçün təklif almadıqlarını bildirib:

“Onana 40 milyon avroya satılır? Biz hesab edirik ki, o, komandada qalacaq. Həm də Onana üçün hər hansı təklif almamışıq. O, özünü Milanda xoşbəxt hiss edir. Qapıçımızla vidalaşmaq fikrində deyilik”.

Qeyd edək ki, Onana 2022-ci ildən “İnter”də çıxış edir. 27 yaşlı qolkiperin müqaviləsi 2027-ci ilin iyununa kimidi.