Kannavaro: “Real” cavab oyununun favoritidi”

“Real”ın keçmiş müdafiəçisi Fabio Kannavaro Madrid klubunun Çempionlar Liqasında final oynamaq şansını dəyərləndirib.

Futbolxeber.az saytının AS-a istinadən verdiyi məlumata görə, veteran futbolçu “Kral klubu”nu “Mançester Siti” ilə cavab görüşünün favoriti qismində gördüyünü açıqlayıb:

“Bəli, “Real” yenə finalın bir addımlığındadı. İlk oyunda madridlilər yaxşı çıxış etdilər. İndi hər şey cavab görüşündə məlum olacaq. Mən “Real”ı yaxşı tanıyıram və bilirəm ki, onlar Mançesterə qələbə üçün yollanacaqlar. Cavab görüşünün favoriti “Real”dı. Məlumdu ki, bu mövsüm La Liqada işlər qaydasında getmədi. Ona görə də komandanın bütün ümidi Çempionlar Liqasınadı. Həm də özümüzü aldatmayaq, Çempionlar Liqası hər zaman ölkə çempionatından daha vacibdi”.

Xatırladaq ki, “Mançester Siti” - “Real” görüşü mayın 17-də keçiriləcək.