Rednapp: “Məmuniyyətlə “Tottenhem”ə rəhbərlik edərdim”

“Tottenhem”in sabiq baş məşqçisi Harri Rednapp kluba mümkün qayıdışını şərh edib.

Futbolxeber.az saytının məlumatına görə, təcrübəli mütəxəssis London klubundan təklif almasını inandırıcı hesab etmir:

“Klub rəhbərliyinin mənə müraciət etmək ehtimalı yox dərəcəsindədi. Amma düzünü deyim ki, təklif olsaydı, məmuniyyətlə komandaya rəhbərlik edərdim. “Tottenhem”ə qayıtmağa sevinclə razı olardım”.

Qeyd edək ki, Rednapp 2008-2012-ci illərdə “Tottenhem”in baş məşqçisi olub.

Əlavə edək ki, bu gün London klubu baş məşqçi səlahiyyətlərini yerinə yetirən Kristian Stellini ilə yollarını ayırıb.