“Oyun keyfiyyətinə görə “Barselona” və “Real” arasında 11 xallıq fərq yoxdu”

“Real”ın baş məşqçisi Karlo Ançelotti La Liqada “Barselona”dan 11 xal geri qalmaları barədə danışıb.

Futbolxeber.az saytının AS-a istinadən verdiyi məlumata görə, italiyalı mütəxəssis bildirib ki, oyun keyfiyyəti baxımından 2 komanda arasında fərq elə də böyük deyil:

“Bəli, təəssüf ki, turnir cədvəlində 11 xal geri qalırıq. Lakin oyun keyfiyyəti baxımından “Barselona” və “Real” arasındakı fərq 11 xallıq deyil. Biz bunu kubokun cavab oyununda da sübut etdik. Xal fərqinin bu qədər böyük olması bizim səhvə yol verdiyimiz xırda detallara görədi. Amma inanıram ki, tezliklə vəziyyəti dəyişəcəyik”.

Qeyd edək ki, hazırda “Barselona” 76 xalla La Liqada liderdi. “Real” isə 65 xalla ikincidi.