“Mançester Yunayted”in 29 illik həsrəti bitdi

İngiltərə kubokunun yarımfinalında “Mançester Yunayted” “Brayton”u mübarizədən kənarlaşdırıb.

Futbolxeber.az saytının məlumatına görə, penaltilər seriyasında 7:6 hesablı qələbə qazanan “Qırmızı şeytanlar” finala adlayıb.

Daha əvvəl isə Erik ten Haqın komandası “Nyukasl”ı 2:0 hesabı ilə məğlub edərək Liqa Kubokunda da final vəsiqə əldə edib.

Bununla da, “Mançester Yunayted” tarixində üçüncü dəfə bir mövsümdə hər iki kubokun finalına vəsiqə qazanıb.

Mançester təmsilçisi 1993/94 və 1982/83 mövsümlərində də eyni uğura imza atıb. Lakin əvvəlki 2 halda “Mançester Yunayted” bir mövsümdə hər iki kuboku qazanmağa müvəffəq olmayıb.

Qeyd edək ki, İngiltərə kubokunun finalında “Mançester Yunayted” iyunun 3-də “Mançester Siti” ilə üz-üzə gələcək.