Xavi: “Ter Ştegen dünyanın ən yaxşı 3 qapıçısından biridi”

“Barselona”nın baş məşqçisi Xavi Hernandes komandasının qapıçısı Mark-Andre ter Ştegen barədə danışıb.

Futbolxeber.az saytının məlumatına görə, o, alman qolkiperin öz mövqeyində dünyanın ən yaxşılarından biri olduğunu vurğulayıb:

“Ter Ştegen dünyanın ən yaxşı 3 qapıçısından biridi. Onun komandamıza faydası çox böyükdü. Qazandığımız uğurlarda Markın böyük payı var”.

Qeyd edək ki, dünən “Barselona” Avropanın aparıcı 7 çempionatında 30 tur ərzində 10-dan az qol buraxan ilk komanda kimi tarixə düşüb.

Ter Ştegen isə qapısını toxunulmaz saxladığı oyunların sayına görə liderdi. Cari mövsüm o, 23 matçda qapısında qol görməyib. Onun ən yaxın izləyicisi Yan Oblakdı. “Atletiko”nun qapıçısının hesabında 11 “quru” görüş var.