Qvardiola: “Bavariya”nın Nagelsmanla vidalaşması məni təəccübləndirdi”

“Mançester Siti”nin baş məşqçisi Xosep Qvardiola Çempionlar Liqasının 1/4 finalında qarşılaşacaqları “Bavariya”dakı baş məşqçi dəyişikliyi barədə danışıb.

Futbolxeber.az saytının məlumatına görə, ispan mütəxəssis bildirib ki, Münhen klubunakı bu dəyişiklik onun üçün gözlənilməz olub:

“Negalsmannın qovulması da, Tuhelin təyinatı da məni təəccübləndirdi. Düzdür, bu cür dəyişikliklərdə əvvəldən nəsə demək olmur. Çünki yeni baş məşqçi uğur qazansa, hamı dəyişikliyin düzgün addım olduğunu deyəcək. Əks halda isə rəhbərlik qınanacaq. İstənilən halda Nagelsmann da, Tuhel də kreativ məşqçilərdi. Bizim üçün isə bu dəyişikliyin ciddi bir təsiri olacağını düşünmürəm. Çünki istənilən halda “Bavariya”ya qarşı oynamaq çətindi. Komandanın baş məşqçi vəzifəsində kimin olmasından asılı olmayaraq”.