Zola: “Mbappe “Real”a Holanndan daha uyğundu”

İtaliya millisinin sabiq hücumçusu Canfranko Zola maraqlı açıqlaması ilə diqqət çəkib.

Futbolxeber.az saytının AS-a istinadən verdiyi məlumata görə, veteran futbolçu bildirib ki, “Real”ın hücum xəttinə Erlin Holannla müqayisədə Kilian Mbappe daha uyğun gəlir:

“Mən hesab edirəm ki, Mbappenin oyun tərzi La Liqaya daha uyğundu. Çünki İspaniya çempionatında hücumların inkişafında iştirak edən forvarda daha çox ehtiyac var, nəinki yalnız qol vurmağa köklənmiş ön xətt oyunçusuna. Ona görə də, Kilian “Real”a Holanndan daha uyğun gəlir. Amma onların hər ikisi çox güclü futbolçudu. Ən yaxşısı odur ki, Mbappe “Real”a keçsin, Holann isə “Çelsi”yə” (gülür).

Qeyd edək ki, bu mövsüm Mbappe 35 oyunda 31, Holann isə 38 matçda 44 qol vurub.