Hamann məşqçi dəyişikliyinin “Bavariya”ya faydalı olmadığını düşünür

Almaniya milli komandasının sabiq üzvü Ditmar Hamann “Bavariya”dakı məşqçi dəyişikliyi barədə danışıb.

Futbolxeber.az saytının məlumatına görə, veteran futbolçu “Bild”ə açıqlamasında Tomas Tuhelin Münhen klubuna gəlişinin faydalı olmadığını bildirib:

“Komanda inamsız görünürdü. Baş məşqçi dəyişikliyi də məhz bundan qaynaqlandı. O, komandaya sakitçilik və özünəinam qazandırmalı idi. Amma Tuhelin gəlişindən sonra 6-7 oyun geridə qalsa da, biz dəyişiklik görmürük. Hətta əksinə, vəziyyət daha da pisləşib. Buna görə də baş məşqçi dəyişikliyinin “Bavariya”ya faydalı olmadığını əminliklə söyləyə bilərəm”.

Xatırladaq ki, Tomas Tuhel bu ilin martında Yulian Nagelsmannı baş məşqçi vəzifəsində əvəzləyib.