Roy Kin: “Finalda favorit “Mançester Siti”di”

“Mançester Yunayted”in əfsanəsi Roy Kin sabiq komandasının əzəli rəqibi “Mançester Siti”nin mövsümü 3 titulla başa vurmaq ehtimalı barədə danışıb.

Futbolxeber.az saytının məlumatına görə, irland mütəxəssis bildirib ki, “şəhərlilər” üçün ən çətin mane “Real”dı:

“Mən bilirəm ki, titul qazanmaq heç də asan deyil. Əgər “Siti” mövsümü 3 kubokla başa vursa, bu, əla nəticə olacaq. Amma qarşıda hələ çox maneə var. Xüsusən də Madrid “Real”ını qeyd etməliyəm. Çünki “Real”ı mübarizədən kənarlaşdırmaq çox çətindi. Bəlkə də deyərdim ki, bu, “Mançester Siti” üçün ən çətin maneədi. O ki qaldı ölkə kubokunun finalına, “Mançester Yunayted” hər nə qədər uğurlu mövsüm keçirsə də, favorit “Siti”di”.