Xavi: “Çempionluq yolunda daha bir addım atdıq”

“Barselona”nın baş məşqçisi Xavi La Liqanın 32-ci turunda “Betis” üzərində qazanılan 4:0 hesablı qələbədən danışıb.

Futbolxeber.az saytının “Marca”ya istinadən verdiyi məlumata görə, o, komandasının çempionluq yolunda daha bir addım atdığını bildirib:

“Oyuna yaxşı başladıq, erkən qol vurduq. Rəqib azlıqda qaldıqdan sonra işimiz bir qədər də asanlaşdı. Bu qələbə sayəsində çempionluğa gedən yolda daha bir addım atdıq”.

Qeyd edək ki, bu qələbə sayəsində xallarının sayını 79-a çatdıran “Barselona” “Real”ı 11 xal qabaqlayır.