Mourinyo: “Nəticə ədalətli olmadı”

“Roma”nın baş məşqçisi Joze Mourinyo A seriyasının 32-ci turunda “Milan”la oyunu (1:1) şərh edib.

Futbolxeber.az saytının məlumatına görə, portuqaliyalı mütəxəssis heç-heçəni ədalətli hesab etməyib:

“Bu cür çətinliklər qarşısında yalnız biz “Milan”a qarşı bu cür oynaya bilərdik. Heyətimiz geniş deyil. Hər itki bizim üçün ciddi problemdi. Bu gün isə bir neçə futbolçumuzu itirdik. “Milan”a qarşı apardığımız mübarizə heyrətamiz idi. Bu, təkcə 3 xal üçün yox, həm də dördüncü yer uğrunda mübarizə idi. Təbii ki, nəticəyə görə məyusam. 3 xal cibimizdə idi. Nəticənin ədalətli olduğunu düşünmürəm. Buna baxmayaraq, məyusluqdan daha çox komandamla fəxr edirəm”.

Qeyd edək ki, bugünkü heç-heçədən sonra hər iki komanda xallarının sayını 57-yə çatdırıb. “Milan” hazırda dördüncü, “Roma” isə beşinci pillədə qərarlaşıb.