Ançelotti: “Etiraf etmək lazımdı ki, zəif oynadıq”

“Real”ın baş məşqçisi Karlo Ançelotti La Liqanın 33-cü turunda “Jirona”dan alınan 2:4 hesablı məğlubiyyəti şərh edib.

Futbolxeber.az saytının məlumatına görə, italiyalı mütəxəssis komandasının müdafiədə çox zəif çıxış etdiyini vurğulayıb:

“İndi mənim üçün danışmaq ağırdı. Təbii ki, uduzanda belə də olmalıdı. Bu gün müdafiədə zəif çıxış etdik. Bu, oyunda həlledici amil oldu. Fərdi şəkildə kimlərsə nələrsə etməyə çalışdı, amma komanda şəklində bunu bacarmadıq. Etiraf etmək lazımdı ki, zəif oynadıq”.

Qeyd edək ki, “Jirona”ya məğlubiyyətdən sonra “Real” əvvəlki kimi “Barselona”dan 11 xal geri qalır.