Qvardiola: “Arsenal”la oyun finaldı”

“Mançester Siti”nin baş məşqçisi Xosep Qvardiola İngiltərə Premyer Liqasının növbəti turunda “Arsenal”a qarşı keçirəcəkləri oyundan danışıb.

Futbolxeber.az saytının məlumatına görə, ispan mütəxəssis bu matçı finala bərabər hesab edir:

“Daha əvvəl də dediyim kimi, əsas olan qələbə qazanmaqdı. “Arsenal” bu mövsüm inanılmaz dərəcədə uğurlu çıxış edir. Düşünmürəm ki, onlar çox xal itirəcəklər. Ona görə də rəqibdən mümkün olduğu qədər geri qalmamalıyıq. Vacib olan “Arsenal”la oyuna qədər xal itirməməkdi. Bu, final matçı olacaq. Uduzsaq, çempionluq mübarizəsi bitəcək”.

Qeyd edək ki, “Mançester Siti” “Arsenal”dan hazırda 3 xal geri qalır.