Lempard: “Futbolun ən sadə elementlərində belə uduzduq”

“Çelsi”nin baş məşqçisi Frenk Lempard İngiltərə Premyer Liqasının 31-ci turunda “Brayton”a 1:2 hesabı ilə uduzduqları oyunu şərh edib.

Futbolxeber.az saytının məlumatına görə, ingilis mütəxəssis rəqibin qələbəyə layiq olduğunu bildirib:

“Mən bütün səviyyələrdə məyusam. Meydanda daha yaxşı olan komanda qələbə qazandı. Hətta deyərdim ki, rəqib daha böyük hesabla qalib gələ bilərdi. Çünki “Brayton” komanda şəklində meydanda mübarizə apardı. Biz isə çox zəif çıxış etdik. Futbolun ən sadə elementlərində belə uduzduq. Məsələ taktikada deyil. Qalib gəlmək üçün heç olmasa meydanda qaçmalısan, vuruşmalısan”.

 Qeyd edək ki, Lempardın gəlişindən sonra “Çelsi” keçirdiyi hər 3 oyunda uduzub.