Salihamiciç: “Sane Maneni təhqir etməyib”

“Bavariya”nın idman direktoru Hasan Salihamiciç komanda üzvləri Leroy Sane ilə Sadio Mane arasındakı qalmaqala münasibət bildirib.

Futbolxeber.az saytının məlumatına görə, bosniyalı klub rəsmisi “Sky Sport”a açıqlamasında Sanenin Maneni təhqir etmədiyini vurğulayıb:

“KİV-də yazılanlardan xəbərim var. Mətbuat yazır ki, Leroy Sadionu “qara zibil” adlandırıb. Biz bu barədə onlarla söhbət etdik. Sane dəqiqliklə bizə bildirdi ki, heç vaxt Maneyə qarşı o cür ifadə səsləndirməyib. Biz ona inanırıq”.  

Xatırladaq ki, “Mançester Siti” ilə oyundan (0:3) sonra “Bavariya”nın düşərgəsində qalmaqal yaşanıb. 2 futbolçu arasında baş verən insident zamanı Mane Sanenin üzünə zərbə endirib.