Zabitser “Bavariya”ya qayıtmaq istəmir

Müqavilə ilə “Bavariya”ya məxsus olan, icarə əsasında “Mançester Yunayted”də çıxış edən Marsel Zabitser gələcək karyerası haqda danışıb.

Futbolxeber.az saytının məlumatına görə, avstriyalı yarımmüdafiəçi Münhenə qayıtmaq istəmədiyini bildirib:

“Hazırda yaya qədər “Mançester Yunayted”dəyəm. Sonra nə olacağını görəcəyik. Lakin bir şeyi dəqiq deyə bilərəm ki, burada mən özümü tapdım. Artıq Premyer Liqaya yaxından bələdəm: gərginliyinə və təzyiqə görə İngiltərə çempionatından daha yaxşısı yoxdu. Hər oyun mübarizədi. Sürət də çox yüksəkdi. Bir sözlə, Premyer Liqa dünyanın ən güclü çempionatıdı”.

Qeyd edək ki, Zabitserin icarə müddəti 2023-cü ilin 30 iyununda bitir.