Kasilyasdan etiraf: “A seriyasında oynamaq istəyirdim”

İspaniya millisinin sabiq qapıçısı İker Kasilyas maraqlı etirafı ilə diqqət çəkib.

Futbolxeber.az saytının məlumatına görə, veteran qolkiper DAZN-a müsahibəsində “Nə vaxtsa İtaliya çempionatında çıxış etməyi arzulamısınızmı” sualını belə cavablandırıb:

“Bəli, belə bir istəyim həmişə olub. Təəssüf ki, alınmadı. İtaliyanın bütün klublarına hörmətlə yanaşıram. Konkret hansısa komandanın adını çəkə bilmərəm. Amma karyerama görə də peşman deyiləm. Unutmayaq ki, “Real” elə “Real”dı”.

Qeyd edək ki, uzun illər “Real”ın qapısını qoruyan Kasilyas karyerasının son illərini “Portu”da keçirib. O, 4 avqust 2020-ci ildə karyerasını bitirdiyini açıqlayıb.