Qvardiola: “Lester”ə uduzsaq, çempion olmayacağıq”

“Mançester Siti”nin baş məşqçisi Xosep Qvardiola Premyer Liqanın 31-ci turunda “Lester”ə qarşı keçiriləcək oyundan danışıb.

Futbolxeber.az saytının məlumatına görə, ispan mütəxəssis bu matçın komandası üçün mühüm əhəmiyyət kəsb etdiyini bildirib:

“Stabillik uğurun girovudu. Cari mövsümdə çox yaxşı oyunlarımız olub. Amma stabillik çatışmır. Bunu etiraf etmək lazımdı. “Lester”lə görüşdə uduzsaq, titul barədə düşünməyə bilərik. Yox, əgər qalib gəlsək, o zaman “Arsenal”ı geridə qoymaq şansımız hələ də qalacaq. Onu da unutmayaq ki, biz cari mövsüm çox nadir hallarda səhvə yol verən komandadan 6 xal geri qalırıq”.

Qeyd edək ki, Qvardiolanın komandası “Lester”lə sabah üz-üzə gələcək.