Qvardiola Hollanın “Liverpul”a qarşı oynamamasının səbəbini açıqladı

“Mançester Siti”nin baş məşqçisi Xosep Qvardiola komandasının aparıcı üzvü Erlinq Hollanın İngiltərə Premyer Liqasının 29-cu turunda “Liverpul”a qarşı keçirilən oyunda meydana çıxmamasının səbəbini açıqlayıb.

Futbolxeber.az saytının məlumatına görə, o bildirib ki, norveçli forvardın görüşdə iştirak etməməsinin xüsusi bir səbəbi yoxdu:

“Hollan hazır deyil. O, özünü kifayət qədər yaxşı hiss etmir. Hər hansı bir problem yoxdu. Sadəcə bu gün üçün Erlinq hazır deyil”.

Qeyd edək ki, daha əvvəl Hollan qasıq zədəsinə görə Avro-2024-ün seçmə mərhələsində Norveç millisinin matçlarında iştirak edə bilməyib.