Ançelotti: “Real” istədiyi müddətdə burada qalacağam”

“Real”ın baş məşqçisi Karlo Ançelotti Braziliya millisinin ona olan marağından danışıb.

Futbolxeber.az saytının məlumatına görə, italiyalı mütəxəssis “Real”la qüvvədə olan müqaviləsinə hörmətlə yanaşdığını vurğulayıb:

“Reallıq budur ki, Braziliya millisi mənimlə müqavilə imzalamaq istəyir. Təbii ki, bu, məni sevindirir. Lakin mənim “Real”la müqaviləm var və mən bu sözləşməyə hörmətlə yanaşmalı, öhdəliklərimi yerinə yetirməliyəm. Madrid klubunu çox sevirəm. Amma təqaüdə məhz bu klubdan yollanacağımı deyə bilmərəm. Lakin onu əminliklə deyə bilərəm ki, “Real” istədiyi müddətdə burada qalacağam”.