La Liqanın ən yüksəködənişli futbolçusu kimdi?

Fransanın “L'Equipe” nəşri İspaniya La Liqasında futbolçuların qazancı ilə bağlı araşdırma aparıb.

Futbolxeber.az saytının məlumatına görə, araşdırma nəticəsində məlum olub ki, İspaniya çempionatının ən yüksəködənişli futbolçusu “Real”ın yarımmüdafiəçisi Eden Azardı. Əsas heyətə çox nadir hallarda düşməsinə baxmayaraq, belçikalı futbolçunun aylıq qazancı 2,25 milyon avrodu.

Siyahıda ikinci yerdə “Barselona”nın hücumçusu Robert Levandovski qərarlaşıb. Polşalı forvard ayda 2,17 milyon avro qazanır.

Onun komanda yoldaşı Serxio Buskets aylıq 1,91 milyon avro maaş ilə üçüncü pillədə qərarlaşıb.

“Real”ın müdafiəçisi David Alaba aylıq 1,88 milyon avro məvaciblə dördüncüdü. 5-7-ci yerləri isə “Real”ın hücumçusu Vinisius Junior, Jordi Alba (“Barselona”) və Yan Oblak (“Atletiko”) bölüşdürür. Bu 3 futbolçunun aylıq maaşı 1,67 milyon avrodur.