“Tottenhem”in futbolçuları pulu özlərinə bəraət qazandırmaq üçün almırlar”

“Tottenhem”in baş məşqçisi Antonio Konte İngiltərə Premyer Liqasının 28-ci turunda “Sautgempton”la oyundan sonra (3:3) futbolçularını tənqid edib.

Futbolxeber.az saytının məlumatına görə, italiyalı mütəxəssis bu cür halla karyerasında ilk dəfə rastlaşdığını bildirib:

“Futbolçulara bəraət qazandırmağa davam edin. Onsuz da başqa heç nə bacarmırlar. Biz komanda ruhunu və özünəinamı itirmişik. Peşəkar komandayıq. Klub bizə böyük pullar ödəyir. Bu sizə aydındı? Bu pullar bəraət qazanmaq, komanda ruhu göstərməmək üçün, məsuliyyətsizlik etmək üçün ödənilmir. Bu cür hallar mənim üçün qəbulolunmazdı. Karyeramda ilk dəfə bu cür halla üzləşirəm”.

Qeyd edək ki, “Sautgempton”la görüşdə 3:1 öndə olmasına baxmayaraq, yekunda meydanı 1 xalla tərk edən “Tottenhem” hazırda 49 xalla dördüncü pillədə qərarlaşıb.