“Borussiya”nın qapıçısı ingilis klublarının hədəfində

Dortmund “Borussiya”sının qapıçısı Qreqor Kobel İngiltərə klublarının hədəfindədi.

Futbolxeber.az saytının məlumatına görə, “Çelsi” və “Mançester Yunayted” isveçrəli qolkiperi heyətinə qatmaq istəyir.

Artıq hər iki klubun rəsmiləri Kobelin meneceri ilə danışıqlara başlayıb. Lakin keçidin bu yay baş tutması real görünmür. Çünki həm “Borussiya” qapıçısı ilə vidalaşmaq istəmir. Həm də Kobel daha bir mövsüm Dortmund klubunda çıxış etməyi arzulayır.

Qeyd edək ki, 25 yaşlı qapıçı 2021-ci ilin iyulunda “Borussiya”ya gəlib. Cari mövsüm 25 matçda o, qapısında 22 qol görüb, 12 matçda isə qapısını toxunulmaz saxlayıb.