“Kadi “Krasnodar” üçün tapıntıdı”

Moskva “Dinamo”sunun sabiq idman direktoru Roman Oreşuk “Krasnodar”ın yeni transferi, “Qarabağ”ın sabiq futbolçusu Kadi Borges haqda danışıb.

Futbolxeber.az saytının məlumatına görə, rusiyalı mütəxəssis “Sport-Ekspress”ə müsahibəsində braziliyalı futbolçunun zəif tərəfinin olmadığını bildirib:

“Kadi əsl tapıntıdı. O, “Krasnodar”ın oyun tərzinə ideal şəkildə uyğun gəlir. Çox sürətlidi, topu özündə artıq saxlamır və güclü zərbələrə malikdi. Hücumların tamamlanmasında çox faydalıdı. İlk baxışdan onun zəif tərəfini görünmür”.

Qeyd edək ki, Kadi yanvarda 5 milyon avro qarşılığında “Qarabağ”dan “Krasnodar”a keçib. Rusiya təmsilçisinin heyətində o, 4 oyunda 2 qol vurub.