Pioli: “Leao özünü məşqlərdə yaxşı tərəfdən göstərir, oyunlarda yox”

“Milan”ın baş məşqçisi Stefano Pioli komandasının üzvü Rafael Leaonun çıxışını dəyərləndirib.

Futbolxeber.az saytının məlumatına görə, təcrübəli mütəxəssis portuqaliyalı futbolçunun oyunlarda özünü yaxşı tərəfdən göstərmədiyini bildirib:

“Mən hər zaman futbolçuları dəstəkləyəcəm, fərqi yoxdu komandanın işləri gedir, yaxud pis. Lakin Leaonun vəziyyəti bir qədər qəribədi. Məşqlərdə o, özünü yaxşı tərəfdən göstərir, dayanmadan, daim fəal hərəkət edir, lakin oyunlarda bu, görsənmir. O, “qızıl orta”nı tapmalıdı”.

Qeyd edək ki, cari mövsüm bütün turnirlər nəzərə alınmaqla Leao 34 matçda forma geyib, 9 qol vurub və 10 məhsuldar ötürçə müəllifi olub.