Arteta: “100 qələbə əla nəticədi, amma titul deyil”

Mikel Arteta “Arsenal”ın baş məşqçisi kimi 100-cü qələbəsini şərh edib.

Futbolxeber.az saytının məlumatına görə, ispan mütəxəssis bunun əla nəticə olduğunu bildirib:

“Arsenal”ın baş məşqçisi kimi 100 qələbə qazanmaq əla nəticədi. Amma bu, titul deyil. Bu qədər qalibiyyət əldə etmişiksə, deməli, klubda bir çoxu işinin öhdəsindən gəlir. Bu qələbələrdə futbolçularımızın, eləcə də daim bizə fantastik dəstək nümayiş etdirən azarkeşlərimizin də böyük rolu var. Məqsədimizə çatmaq üçün bu cür də davam etməliyik. Hətta bəzi keyfiyyətlərimizi daha da yaxşılaşdırmalıyıq”.

Qeyd edək ki, martın 12-də İngiltərə Premyer Liqasının 27-ci turunda “Arsenal” “Fulhem”i (3:0) məğlub edib. Bu, Mikel Artetanın London klubunun baş məşqçisi qismində 100-cü qələbəsi kimi tarixə düşüb.