Pavar “Barselona”ya keçidi ilə bağlı sualı gülüşlə qarşıladı

“Bavariya”nın müdafiəçisi Benjamen Pavar klubdakı gələcək karyerası haqda danışıb.

Futbolxeber.az saytının məlumatına görə, fransız müdafiəçi Münhen klubunda özünü xoşbəxt hiss etdiyini bildirib:

“Mən xoşbəxtəm və vaxtımı gözəl keçirirəm. Qalan məsələlərin necə olacağını yayda görəcəyik. “Bavariya” rəhbərliyi ilə danışıqlar olub-olmayacağını bilmirəm. Mən hazırda bütün fikrimi qarşıdakı oyunlara yönəltmişəm”.

Jurnalistlərin “Barselona”ya mümkün keçidi ilə bağlı sualı isə 26 yaşlı futbolçu gülüşlə qarşılayıb və heç nə deməyib.

Qeyd edək ki, Pavar 2019-cu ildən “Bavariya”da forma geyir. Onun klubla müqaviləsi gələn yay başa çatır.