“Vest Hem” Premyer Liqadan düşsə belə, Moyes vəzifəsində qalacaq

Devid Moyes mövsümün sonunda “Vest Hem”dən getməyəcək.

Futbolxeber.az saytının “Daily Star”a istinadən verdiyi məlumata görə, komanda Premyer Liqadan düşsə belə, klub rəhbərliyi təcrübəli mütəxəssislə vidalaşmaq fikrində deyil.

Hazırda “Vest Hem” turnir cədvəlində 17-ci pillədə qərarlaşıb. London təmsilçisi Konfrans Liqasında 1/8 finala kimi irəliləyib.

Qeyd edək ki, Devid Moyes ikinci dəfə 2019-cu ildə “Vest Hem”in baş məşqçisi təyin olunub.