Ançelotti: “Benzema barədə narahat deyiləm”

“Real”ın baş məşqçisi Karlo Ançelotti komandasının üzvü Kərim Benzema barədə danışıb.

Futbolxeber.az saytının AS-a istinadən verdiyi məlumata görə, təcrübəli mütəxəssis hazırda fransız forvardın yaxşı formada olduğunu bildirib:  

“Hər oyunda yüksək performans nümayiş etdirmək mümkün deyil. Ona görə də Benzema ilə bağlı narahat deyiləm. Çünki görürəm ki, hazırda o, mövsümün birinci yarısı ilə müqayisədə daha yaxşı formadadı. “Real” hücumda yaxşı çıxış edir. Biz çempionatın ən məhsuldar komandasıyıq. Qol vurmaq baxımından hər hansı çətinliyimiz yoxdu. Belə olsaydı, “Liverpul” kimi komandaya 5 qol vura bilməzdik”.

Qeyd edək ki, Benzema cari mövsüm “Real”ın heyətində meydana çıxdığı 26 matçda 18 qol vurub.