Meneceri təsdiqlədi: Firmino “Liverpul”dan gedir

Roberto Firminonun “Liverpul”dan gedişi təsdiqlənib.

Futbolxeber.az saytının məlumatına görə, futbolçunun meneceri Rocer Vittman yayılan xəbərlərin həqiqəti əks etdirdiyini bildirib:

“Robertonun planı qarşıdakı 2 həftə ərzində özünü yaxşı tərəfdən göstərməkdi. O, klubla uğurlu şəkildə vidalaşmağı hədəfləyir.  Gələcəkdə nə olacağını birlikdə görəcəyik. Firmino hələlik yeni klubu barədə düşünmür. Bütün bu müddət ərzində o, susqunluğunu qorudu. Onu da deməliyəm ki, bu qərarı müştərim klubla birgə qəbul edib”.

Qeyd edək ki, Firmino “Liverpul”a 2015-cı ildə gəlib. Komanda ilə birgə o, İngiltərə çempionu olub (2020) və Çempionlar Liqasını qazanıb (2019).