İbrahimoviç “Napoli”yə qarşı oynamayacaq

İsveç millisinin düşərgəsində zədələnən Zlatan İbrahimoviçin durumuna aydınlıq gəlib.

Futbolxeber.az saytının “Calciomercato”ya istinadən verdiyi məlumata görə, 41 yaşlı forvardın sağ bud əzələsində problem var.

Bu səbəbdən də o, aprelin 2-də “Napoli”, 6 gün sonra isə “Empoli”yə qarşı keçiriləcək matçlarda “Milan”a kömək edə bilməyəcək.

Qeyd edək ki, uzun müddət zədədən əziyyət çəkən İbrahimoviç fevralın 26-da “Atalanta” ilə matçda (2:0) meydana qayıtmışdı.