Messi Xaviyə “Barselona”ya qayıtmaq istədiyini deyib

Lionel Messi yayda “Barselona”ya qayıda bilər.

Futbolxeber.az saytının “Sky Sport”a istinadən verdiyi məlumata görə, argentinalı ulduz bu barədə istəyini Kataloniya klubunun baş məşqçisi, keçmiş komanda yoldaşı Xaviyə bildirib. Klub rəhbərliyinin qayıdış üçün əlindən gələni edəcəyi vurğulanır.

Daha əvvəl “Barselona”nın vitse-prezidenti Rafa Yuste də Messinin mümkün qayıdışı barədə söhbət açmışdı.

Qeyd edək ki, argentinalı hücumçunun PSJ ilə müqaviləsi cari mövsümün sonunda bitir.