Mövsüm ərzində ikinci dəfə komandadan qovuldu

İtaliyanın “Salernitana” klubunda baş məşqçi dəyişikliyi baş verib.

Futbolxeber.az saytının xarici KİV-ə istinadən verdiyi məlumata görə, Davide Nikola mövsüm ərzində ikinci dəfə komandadan qovulub.

Belə ki, 49 yaşlı məşqçi yanvarın 16-da “Atalanta”ya 2:8 hesabı ilə uduzduqları matçdan sonra vəzifəsindən uzaqlaşdırılmışdı. Lakin 48 saat sonra klub prezidenti Danilo Yervolino ilə söhbətindən sonra o, işinə geri qayıtmışdı. Son 4 görüşdə alınan 3 məğlubiyyət klub rəhbərliyini narazı saldığından Nikolanın vəzifəsinə yenidən son verilib. Lakin italiyalı məşqçinin bu dəfə qayıdışı baş tutmayacaq. Çünki artıq onun postunu Paulo Souza tutub.

Qeyd edək ki, “Salernitana” hazırda “A” seriyasında 16-cı pillədə qərarlaşıb.