“Barselona” Pedrini itirdi

“Barselona”nın futbolçusu Pedrinin durumuna aydınlıq gəlib.

Futbolxeber.az saytının “Mundo Deportivo”ya istinadən verdiyi məlumata görə, UEFA Avropa Liqası çərçivəsində “Mançester Yunayted”ə qarşı keçirilən görüşdə (2:2) zədələnən ispan futbolçu bir müddət komandasına kömək edə bilməyəcək.

Həkimlərin rəyinə əsasən, o, minimum qarşıdakı 6 görüşdə meydana çıxmayacaq.

Bərpa prosesi yaxşı keçəcəyi təqdirdə, Pedri martın 19-da “El Klassiko”da forma geyə bilər.