“Barselona”nın qələbə seriyası qırıldı

“Barselona” UEFA Avropa Liqasının 1/16 final mərhələsinin ilk oyununda “Mançester Yunayted”lə heç-heçə oynayıb - 2:2.

Futbolxeber.az saytının xarici KİV-ə istinadən verdiyi məlumata görə, bununla da Kataloniya klubunun qələbə seriyası qırılıb. Xavinin komandası yanvarın 4-dən etibarən keçirdiyi 12 oyunun hamısında qalib gəlmişdi.

Qeyd edək ki, “Barselona” fevralın 19-da La Liqanın növbəti turu çərçivəsində “Kadis”lə qarşılaşacaq, daha sonra isə 23 fevralda “Old Trafford”da “Mançester Yunayted”in qonağı olacaq.