Ançelotti: “Onun “Real”da qalıb-qalmayacağı mənim üçün maraqlı deyil”

“Real”ın baş məşqçisi Karlo Ançelotti Marko Asensionun klubdakı gələcək taleyi barədə danışıb.

Futbolxeber.az saytının AS-a istinadən verdiyi məlumata görə, italiyalı mütəxəssis ispan futbolçunun “Real”da qalıb-qalmamasının onun üçün önəmli olmadığını bildirib:

“Asensio hazırda yaxşı görünür. Onun komandada qalıb-qalmayacağını bilmirəm. Əslində, mənim üçün bu, maraqlı da deyil. Bu mövsüm bizi çox ciddi çağırış gözləyir. Əsas odur ki, Marko ötən mövsüm olduğu kimi, bu il də komandanın uğur qazanması üçün əlindən gələni edir. Qoy bu cür də davam etsin, klub isə onun gələcəyi ilə bağlı ən doğru qərarı qəbul edəcək”.