Ronaldonun bacısı: “Bu gün kralın ad günüdür”

Bu gün müasir futbolun ən parlaq ulduzlarından biri olan Kriştianu Ronaldonun 38 yaşı tamam olur.

Futbolxeber.az saytının xarici KİV-ə istinadən verdiyi məlumata görə, bu münasibətlə Ronaldonun bacısı, Elma Aveyru onu belə təbrik edib:

“Bu gün kralın ad günüdür. Mən səni nə qədər çox sevdiyimi, heyran olduğumu, hörmət etdiyimi sözlərlə təsvir edə bilmərəm.

Sən dünyada tanıdığım ən yaxşı insansan. Bunu təkcə eyni qanın daşıyıcısı olduğumuz üçün demirəm. Həyatda sənin kimi birisinə rast gəlmək çox çətindir. Qoy sənin ömrünün üzərinə daha bir il gəlsin. Sənsiz yer kürəsi parlaqlığını itirər...

Həyatdan zövq al, əziz qardaşım. Mən səni çox sevirəm”.