Mourinyo: “Dekabrda “Roma”dan gedə bilərdim”

“Roma”nın baş məşqçisi Joze Mourinyo İtaliya “A” seriyasının 20-ci turunda “Empoli” üzərində qazanılan 2:0 hesablı qələbəni şərh edib.

Futbolxeber.az saytının xarici KİV-ə istinadən verdiyi məlumata görə, portuqaliyalı mütəxəssis komandasının çıxışından razılığını ifadə edib:

“Komandamdan razıyam. Heyətlə bağlı çatışmazlıqlarımız olsa da, işimizi gördük. Çox çətin rəqiblə oyunda 3 xal qazandıq. Oyundan sonra Paolo Zanettiyə də bildirdim ki, onun komandası hazırda əla formadadı. “Empoli”ni məğlub etmək heç də asan deyil”.

Mourinyo bildirib ki, ötən ilin sonunda “Roma”dan gedə bilərdi: “Dekabrda komandadan ayrıla bilərdim, lain qaldım. Bu, mənim həyatımdır. Hər gün bir oyundur. Bəziləri “Roma”nın ciddi problemləri olduğunu düşünə bilər. Ancaq biz ciddi rəqiblərlə başabaş mübarizə aparırıq”.

Adil ƏHMƏDOV