Dünya çempionu qovuldu

Fabio Kannavaro “Benevento” klubunun baş məşqçisi vəzifəsindən uzaqlaşdırılıb.

Futbolxeber.az saytının xarici KİV-ə istinadən verdiyi məlumata görə, klub rəhbərliyi uğursuz nəticələr səbəbindən 49 yaşlı mütəxəssisi istefaya göndərib.

Belə ki, “Benevento” 23 turdan sonra B seriyasında 20 komanda arasında 19-cu yeri tutur.

Kannavaro ötən ilin sentyabrından komandanı çalışdırırdı.

“Benevento” 2006-cı ilin dünya çempionu ilə yanaşı, onun köməkçisi və qardaşı Paolo Kannavaronun da işinə son qoyub.

Xatırladaq ki, Fabio Kannavaro 2006-cı ildə dünya çempionu olmaqla yanaşı, həm də “Qızıl top”u qazanıb.

Adil ƏHMƏDOV