Modriç millidən gedir

Luka Modriç millidəki karyerasını başa vurur.

Futbolxeber.az saytının xarici KİV-ə istinadən verdiyi məlumata görə, xorvat yarımmüdafiəçi bildirib ki, Qətərdəki dünya çempionatı onun üçün sonuncu böyük turnir olacaq:

“Mən bilirəm ki, artıq müəyyən yaş həddinə çatmışam. Ona görə də getmək zamanıdı. Bu, mənim Xorvatiya millisinin heyətində çıxış edəcəyim sonuncu turnirdi”.

37 yaşlı yarımmüdafiəçi Xorvatiya millisində 2006-cı ildə debüt edib. Geridə qalan müddət ərzində Luka yığmanın heyətində 154 oyun keçirib, 23 qol vurub, 24 məhsuldar ötürmə verib.

Xatırladaq ki, 18 noyabr-20 dekabr tarixləri arasında Qətərdə baş tutacaq dünya çempionatında Xotvariya millisi qrup mərhələsində Mərakeş, Kanada və Belçika ilə mübarizə aparacaq.